មុខសញ្ញាឆក់កាបូបប្រជាពលរដ្ឋ៧លើក ត្រូវនគរបាលឃាត់ខ្លួន
26-January-2018 | ដោយ ពលមនសិការ
ភ្នំពេញ ៖ កម្លាំងការិយាល័យព្រហ្មទណ្ឌកម្រិតស្រាល បានឃាត់ខ្លួនជនសង្ស័យ ៤នាក់ នៅចំណុចផ្សារកុងតឺន័រ ក្បែរស្ថានទូតរុស្សី សង្កាត់ទន្លេបាសាក់ ខណ្ឌចំការមន រាជធានីភ្នំពេញ ដែលបានប្រព្រឹត្តបទល្មើស អំពើលួចមានស្ថានទម្ងន់ទោស(ឆក់ទ្រព្យ សម្បត្តិរបស់ប្រជាពលរដ្ឋ) ចំនួន ៧ករណី កាលពីថ្ងៃទី២៣ ខែមករា ឆ្នា២០១៨ វេលាម៉ោង២និង៥០នាទី។
លោកវរសេនីយ៍ឯក ប៊ុន សត្យា នាយការិយាល័យព្រហ្មទណ្ឌកម្រិតស្រាលនៃស្នងការដ្ឋាននគរបាលរាជធានីភ្នំពេញបានឲ្យដឹងថា៖
ករណីទី១៖ ជនសង្ស័យបានប្រព្រឹត្តបទល្មើស ឆក់កាបូបយួរដៃ កាលពីថ្ងៃទី០៨ ខែធ្នូ ឆ្នាំ២០១៧ វេលាម៉ោងប្រហែល ១២និង១០ នាទី នៅចំណុចមុខផ្ទះលេខ ១១២E០ ផ្លូវលេខ ២១៥ ភូមិ៦ សង្កាត់វាលវង់ ខណ្ឌ៧មករា រាជធានីភ្នំពេញ។
ជនរងគ្រោះឈ្មោះ កែន ភ័ន ភេទស្រី អាយុ៥០ឆ្នាំ ជនជាតិ ខ្មែរ មានទីលំនៅផ្ទះគ្មានលេខ ផ្លូវលំ សង្កាត់ កន្ទោក ខណ្ឌ ពោធិ៍សែនជ័យ រាជធានីភ្នំពេញ មុខរបរ គ្រូបង្រៀន។
សម្ភារៈបាត់បង់ឆក់កាបូបយួរដៃមួយ, ខ្សែដៃផ្លាទីន ០២ខ្សែ ចិញ្ជៀនផ្លាទីន ០២ វង់ ក្រវិលផ្លាទិន មួយគូរ ទូរស័ព្ទដៃ ០៣ គ្រឿង អាយហ្វូន ៦ផ្លឹស ពណ៌ ទឹកប្រាក់ ទូរស័ព្ទមិត្តហ្វូនមួយគ្រឿង ណូគា អ៊ិនចុចពិលមួយគ្រឿង ប្រាក់ដុល្លារចំនួន ១៥០ ដុល្លារអាមេរិក ប្រាក់រៀលចំនួន ២០ ម៉ឺនរៀល និងឯកសារមួយចំនួន។
ករណីទី២ ៖ ជនសង្ស័យបានប្រព្រឹត្តបទល្មើស ឆក់ទូរស័ព្ទដៃ កាលពីថ្ងៃទី១១ ខែមករា ឆ្នាំ២០១៨ វេលាម៉ោង១៣និង៣០នាទី នៅចំណុចជិតតារាងបាល់រ៉យសេវិន មុខផ្សារបាយ័ន្ត ផ្លូវលេខ៣៣៧ សង្កាត់ បឹងកក់ទី១ ខណ្ឌទួលគោក រាជធានីភ្នំពេញ។
ករណីទី៣៖ ជនសង្ស័យបានប្រព្រឹត្តបទល្មើស ឆក់ទូរស័ព្ទដៃ កាលពីថ្ងៃទី១២ ខែមករា ឆ្នាំ២០១៨ វេលាម៉ោង ១៥និង៣០នាទី នៅចំណុចស្តុបសាលាហ្សាមែន ផ្លូវ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ ។
ករណីទី៤ ៖ជនសង្ស័យបានប្រព្រឹត្តបទល្មើស ឆក់ទូរស័ព្ទម៉ាក សាំសុង S៦ កាលពីថ្ងៃទី២៣ ខែមករា ឆ្នាំ២០១៨ វេលាម៉ោង១៥និង៤៥នាទី នៅចំណុចមុខសាលាហ្សាមេន ផ្លូវ ៣១៥ សង្កាត់បឹងកក់១ ខណ្ឌទួលគោក រាជធានីភ្នំពេញ ។
ករណីទី៥៖ ជនសង្ស័យបានប្រព្រឹត្តបទល្មើស ឆក់កាបូបស្ពាយ កាលពីថ្ងៃទី២១ ខែមករា ឆ្នាំ២០១៨ វេលាម៉ោង ១៤និង៣០នាទី នៅចំណុច មុខសាលារៀនវេសស្ទើន សង្កាត់ទួលសង្កែ ខណ្ឌឫស្សីកែវ រាជធានីភ្នំពេញ ។
ករណីទី៦៖ ជនសង្ស័យបានប្រព្រឹត្តបទល្មើស ឆក់កាបូបកាលពីថ្ងៃទី០៧ ខែមករា ឆ្នាំ២០១៨ វេលាម៉ោង ១៣និង៣០នាទី នៅចំណុចមុខសាលាទួលគោក ផ្លូវលេខ ២៨៩ សង្កាត់បឹងកក់១ ខណ្ឌទួលគោក រាជធានីភ្នំពេញ ។
ករណីទី៧៖ ជនសង្ស័យបានប្រព្រឹត្តបទល្មើស ឆក់កាបូប កាលពីថ្ងៃទី០៥ ខែមករា ឆ្នាំ២០១៨ វេលាម៉ោង ១៤និង៣០នាទី នៅចំណុច មុខមន្ទីរពេទ្យកាល់ម៉ែត ផ្លូវព្រះមន្នីវង្ស សង្កាត់ស្រះចក ខណ្ឌដូនពេញ រាជធានីភ្នំពេញ ។
ជនសង្ស័យទី១-ឈ្មោះ ចិត្រ ចន្ទ័សីហា ហៅ ហា ហៅ ឆៃ ភេទប្រុស អាយុ ១៧ ឆ្នាំ ជនជាតិខ្មែរ មុខរបរ មិនពិតប្រាកដ ស្នាក់នៅផ្ទះលេខ ២AA ផ្លូវលំ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ ប្រភេទមុខសញ្ញា ចាស់ ទី២-ឈ្មោះ ជា រ៉ាវីន ហៅ ប៊ីន ភេទប្រុស អាយុ១៦ ឆ្នាំ ជនជាតិ ខ្មែរមុខរបរ សិស្សសាលាភ្នំពេញថ្មី ថ្នាក់ទី១១E១ ស្នាក់នៅភូមិកិន្នរ សង្កាត់ក្រាំងធ្នង់ ខណ្ឌសែនសុខប្រភេទមុខសញ្ញា ចាស់ ទី៣-ឈ្មោះ កែវ ភារៈ ហៅ អ៊ែក ភេទ ប្រុស អាយុ ១៧ ឆ្នាំ ជនជាតិ ខ្មែរ មុខរបរ មិនពិតប្រាកដ ស្នាក់នៅផ្ទះមិនចាំលេខ ផ្លូវលំ ភូមិទួលគោក សង្កាត់ទួលសង្កែ២ ខណ្ឌឫស្សីកែវ ប្រភេទមុខសញ្ញា ថ្មី គ្រឿងញៀន វិជ្ជមាន ទី៤-ឈ្មោះ ណាង វីរៈ ហៅ ញ៉ាញ់ ភេទ ប្រុស អាយុ ១៧ ឆ្នាំ ជនជាតិ ខ្មែរមុខរបរ សិស្សសាលាឥន្ទ្រទេវី ថ្នាក់ទី១១E១ ស្នាក់នៅមិនពិតប្រាកដ ប្រភេទមុខសញ្ញា ថ្មី គ្រឿងញៀន វិជ្ជមាន។
វត្ថុតាងចាប់យកៈ ម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ ២០១៨ លេខតួ-លេខម៉ាស៊ីន ៥១១៤០៤៥ ពាក់ស្លាកលេខ ភ្នំពេញ 1GT-6354 ម៉ូតូម៉ាកហុងដាសេ១២៥ ពណ៌ខ្មៅ សេរីឆ្នាំ ២០១៨ លេខតួ-លេខម៉ាស៊ីន ៥១៤៧១៣២ ពាក់ស្លាកលេខ ភ្នំពេញ 1GT-8214។
បច្ចុប្បន្នជនសង្ស័យខាងលើ ការិយាល័យបាន បញ្ជូនទៅសាលាដំបូងរាជធានីភ្នំពេញ ចាត់ការតាម និតិវិធី ៕
ចំនួនអ្នកទស្សនា
- ថ្ងៃនេះ1961
- ម្សិលមិញ12921
- សប្តាហ៍នេះ1961
- ខែនេះ196561
- ឆ្នាំនេះ196561
- សរុប20639017